گئدیرم تک قالاسان قدریمی بیر گون بولســـــــن
داهی آرتیخ قالا بولمم جانیمی یاندیـــراســــــــان
بو وفاســــــــــیز لار الیندن گئــــنه تــــک قالمالیام
گورخورام گئتماخ همین بوش یریمی دولدوراسان
سوئیله ای گول، هانسی باغین، سن گولِ رعناسیسان؟
هانسی گلزارِ بهشتین، سروی سن، طوُباسیسان؟
آچما زولفون عطریله بیهوش ائدرسن عالمی
چونکی سن دشتِ خطانین، عنبرِ ساراسیسان
نازنین جانان گؤزهللر، قارشی دُورماز روُیینه
جمله سیندن سن گؤزهلسن، هامینین اعلاسیسان
باغبانین کیملر اولموش؟ گؤزلرین حئیرانییام
سن مگر گلزارِ حُسنون نرگس شهلاسیسان؟
گؤرمهیینجه گول اوزون، جسمیمده قالماز طاقتیم
روحیسان گویا، بو مسکین عاشیقین، اعضاسیسان
من کیمی مینلرجه مجنولار، اسیروندیر سنین
سؤیله یاریم، دوغرو سؤیله، سن کیمین لیلاسیسان
اینجیمهز، «واحد»، او گول آه و فغانیندان سنین
سن گؤزهللر باغینین بیر بولبولِ شیداسیسان
قیزیل گولم ، در منی
مخمل اوسته سر منی
آللاه اوزی شاهیدی
چوخ ایسترم من سنی
محبت یاشا باخماز
آغارمیش باشا باخماز
گل اگر گل اولسا
داها داغ, داشا باخماز.
سانما كي، آيريلدين ايتدي بو سئوگي
سن گئتدين سنينله گئتدي بو سئوگي
كؤك آتدي، قلبيمده بيتدي بو سئوگي
سن منيم قلبيمده ياشاياجاقسان
سنينچون آچيلار يئني بير صاباح
منيمله قالاجاق بو كدر بو آه
اولسان دا اؤزگهنين قيسمته بير باخ
سن منيم قلبيمده ياشاياجاقسان
اوزسن ده اليني اليمدن ايندي
بو ال ده، بو جان دا، روح دا سنيندي
سندن آيريلماقمي؟ يوخ بو چتيندي
سن منيم قلبيمده ياشاياجاقسان
يانديردين قلبيمده سؤنمز بير اوجاق
اود توتوب بو اورك، دايم ياناجاق
اؤلدون حياتيمدا سئوگيليم آنجاق
سن منيم قلبيمده ياشاياجاقسان
جانیمی یاندیردی شوْقون ای نگاریم هارداسان
گؤزلریم نوری ایکی عالمده یاریم هارداسان
باغریمی قان ائیله دی آخی
فراقون گل ایرش
ای لبون وصلی شراب
خوْشگوْاریم هارداسان
فرقتون دردی منی گؤر کی نه مجروح ائیله دی
ای گؤزی نرگس حبیب گول عذاریم هارداسان
ایله دی عشقون منی قلخان ملک تیرینه
ای گؤزی قاشی بیلیک لی شهریاریم هارداسان
تا اوزون شوْقوندان ایراغ اوْلموشام پروانه تک
یانیرام لیل و نهار ای نور و ناریم هارداسان
قاتی موشتاق اولموشام زلف و
غذارین بوْیونا
ای اوزی گلشن ساچی مشک
تاتاریم هارداسان
سندن آیری کؤنلومه یوْخدور وفالی یار دوست
ای جفاسیز حسن کامل یار غاریم هارداسان
هجرون اوْخی دلدی بو شوْقونده یانان باغریمی
صورت و معنیده ای چابک سواریم هارداسان
بادایلن گؤندر ساچین بویین منه هر صبحدم
ای کی یاندیم گئچدی حددن انتظاریم هارداسان
یار اوچون هر گوشه ده مین دیو اوْلور دشمن منه
ای سواد اعظم و محکم حصاریم هارداسان
عاشیقین جنات عدنی چون جمالون وصلیدیر
ای شراب کوْثریم گئتمز خماریم هارداسان
چون نسیمی دور بوگون ایام عشقین خسروی
ای شکر لب یار شیرین روزگاریم هارداسان
گلمیسن جانیم سنه قوربان اولا ایندی نییه؟
دوشموشم الدن داها، ای بیوفا، ایندی نییه؟
نوشدارو سن، فقط سُهراب اؤلوب، گئج گلمیسن!
ائیلهمز تأثیر اونا هئچ بیر دوا، ایندی نییه؟
ممکن اولسا، مرحمت قیل، عؤمرلرده یوخ وفا!
بخش ائدن مهمانینا ذوق و صفا، ایندی نییه؟
من جاوان کن ذوق آلیردیم، نازنینیم، ظولمدن،
ائیلهییرسن سؤیله بس جور و جفا، ایندی نییه؟
بیر شیرین صحبت اوچون اگدیم اؤنونده قدّیمی!
زهرتک وئردین جاواب فرهادینا، ایندی نییه؟
ای قارا هیجران، الیندن بیرجهدم گؤز یوممادیم!
بختیمی سن توتموسان بولای ـ لایا، ایندی نییه؟
آسمان قیلدی پریشان، حالیمی زار ائیلهدی
چولقاییبدیر عؤمرومو مین بیر بلا، ایندی نییه؟
سنکی گول هیجرینده، طبعیم، لال کیمی خاموش ایدین،
سالمیسان بولبول کیمی شور و نوا، ایندی نییه؟
سن حبیبسیز "شهریار"یم، گئتمزایدین هئچ یانا،
سون سفردیر، تک چیخیبسان سون یولا، ایندی نییه؟
یانان شمعون اولوم پروانه ن اولوم
دردینن سارالیب چیچک تک سولوم
دئمیشدیم سوگیلیم دئمه میش اولوم
پاییز یارپاقی تک سارالسین رنگیم
سیغماسون دونیایه کدریم غمیم
دریالار قوینوندا غرق اولسا گه میم
دئمیشدیم سوگیلیم دئمه میش اولوم
چاغلایان کونلونده بولاغا دونوم
یولونون اوستینده چراغا دونوم
ملک تک گویلردن چینینه انیم
دئمیشدیم سوگیلیم دئمه میش اولوم
دئدیلر سوگیلین آزیب یولونو
گوزی گورمور ساغین سولونو
بودا طالعیمین شیلتاغ اویونو
گورمدیم سوگیلیم گورمه میش اولوم
دئدیم محبتله اویناماق اولماز
اغیارین باغیندا چیچکلر آچماز
نفرتدن باغلانان قاپو آچیلماز
بیبلمه دیم سوگیلیم بیلمه میش اولوم
یغیلماییر یوللاردان فیکریم خیالیم
گوروم بو یوللاردا کیمیم وار منیم
کسیلیب قاپیدان گدیب گلنیم
یوخ مطلب قانانیم قدیر بیلنیم
دومانلار ایچینده یورگون کوهلنیم
طوفانلار بوینوندا گمیم وار منیم
اوزگنی گولدورن سوزوم صحبتیم
اوزومی آغلادان غمیم وار منیم
غم آغاجی بیزه سایه سالماسین
دردو بلا صبریمیزی الماسین
من چکمیشم بو انتظار چتیندی
هچ انسانین گوزو یولدا قالماسین
بو گئجه خاطیره لر کانی دی روحیم دایانیب
اورگیم پارچالانیب داده گلیب اوتدا یانیب
آنامین خوش باخیشی یادیمه هی کولگه سالیر
گوره سن سلبی بویوم هاردا قالیب هاردا یاتیب
بو نه عالمدی آنا من بئله سن سیزله میشم
گوزلریم یاشی گوزم نن دیه سن سئل تک آخیب
سن نه دن آرزولادین تا کی منی کامه چاتام
بو نه عالمدی منه کام وئریب شادلیغ آلیب
چوخ زماندور دوداغیم گولموری سن نن اوزاغام
بو اوزاخلیخ دیه سن طاقتیمی الدن آلیب
آناجان ایله حلال ایله حلال ایله منی
من نن اول سن نن اوزاخ دار و نداریم تالانیب
ای خسته قوش آواره گزیرسن بو دیاری
زنداندی قفسدی چمنی باغی باهاری
گؤزله اؤزیوی آوچیدیر هر یانی بو یوردون
قوزغون کیمی دؤردگؤزلو گزیر کؤرپه شکاری
نازنینا روزوشب من جستجویت میکنم توگلِ عشق منی هر لحظ بویت میکنم
زنده ام با یادِ تو هر لحظه در قلبِ منی ای یگا نه آرزویم ، آرزویت میکنم
من گدایم بهر ِعشق در را برویم وا بکن دست خودراعاشقانه من بسویت میکنم
درمیان خواب و رویا من بیایم سوی تو خانه ام را من بنا در کنج کویت میکنم
آن زمان که دل به توبستم زخودرستم دگر ای که درخواب شبانه جستجویت میکنم
منتظر تا کی بمانم پرده از رخ بر کنی مثل مجنون در خیالم گفتگویت میکنم
درد عشقت را نگاری درد لش دارد هنوز جان خود را من فدای تار مویت میکنم
یار دئدیم سینه مده یارام قانادی
دیلیم لال اولدو ، قانیم چاغلادی
گؤزلریمده یاش دورمادی آغلادی
عذابلار ایچینده تنهایام ظالیم
یادیما دوشموسن بو آخشام یئنه
خیالیم دؤنوب دولانیر سنه
اصلینده نه اولوب بیلمیره م منه
حسرت اودونا یانیرام ظالیم
قلبیمده آیریلیغا دؤز دئییب
الویداع سؤیله دیم عادی سؤز بیلیب
سئوگی دونیام منی ویران ائدیب
سنین له سنسیز قالمیشام ظالیم
گؤزلریم یاشاردی، دیلیم توتولدو
محبت ساراییم چؤکدو، اوچولدو
آغلایان گؤزلرین قارشیمدا دوردو
یئنه ده سنه مؤحتاجام ظالیم
کوسکون م ، قلبیمی دویان یوخ هله
قلبی قلبیم له ووران یوخ هله
گئری دؤن آرادا هیجران یوخ هله
سنین له ویصالا قووشام ظالیم ...!
بیر آپـاردین، بیر گتیـردین،
منیم یارالی کؤنلومو
بیلمه دین هاردا ایتیردین
منیم یارالی کؤنلومو
گاه بوشالتدین، گاه دولدوردون،
گاه آغلاتدین، گاه گولدوردون،
گاه دیریلتدین، گاه اؤلدوردون،
منیم یارالی کؤنلومو
اویونجاق می دیر الینـــده؟!
او گلمک نه؟ بو گئتمک نه؟!
یا سئـو یا سئـومه؛ اینجیتمه
منیم یارالی کؤنلومو
منی دوشونمه، راحات اول یالنیز قالا بیله رم
سن ده بیلیرسن هئچ بیر آجی سونسوزا تک سورمز
حتی هر آن یئنی دن سئوه بیله رم
اولمازدی؛ من ده بیلیرم، حاقلی سان، یاخشی گئت
قورخما، سنینله گئرچکدن دوست اولا بیله رم
اصلینده من ده اوزون زاماندان بری دیر سنه
آیریلماق ایسته دیگیمی دئیه نمیردیم، یاخشی، گئت
ایکیمیز ایچین ده دوغرو اولان بئله دیر، گئت
اینان منه؛ ساندیغین قدر اوزگون دئییلم
ایچیمده یئپ یئنی بیر حیاتا باشلامانین
سئوینجی و هیجانی وار آرتیق گئت
گئت ... گئت ... گئتمه، قال، نه اولــور؟!
گئتمه، قال، یالان سؤیله دیم
دوغرو دئییل آیریلیغا داها هئچ حاضیر دئییلیم
آرامیزدا یاشاناجاق یاریم قالان بیر شئی لر وار
گئتمه دور، داها ایندی دن دلی لر کیمی اؤزله دیم!
... من یانماسام،
سن یانماسان،
بیز یانماساق،
نئجه چیخار قارانلیق لار
آیدینلیغا؟!
یوردسوز یوواسیز بیر کؤچری قوشا
نئیله سن دوستاغا آلیشا بیلمز
وحشی گول باغچادا سارالار سولار
بیر دونیا بیر ائوه سیغیشا بیلمز
من بیرگون بیر یئرده قالا بیلمه رم
گئدیرم باخمیـرام هارادیر سونو
منیم یاشاییشیم منیم اولسادا
پای پای ائله میشم، بؤلموشم اونو
گله جک گؤزله ییر، گؤزله ییر منی
آماندیر الیمی باغلاما گؤزل
قییـما بو آیاقدا یولومدان اولام
آغلاما، آغلاما، آغلاما گؤزل
قارانلیق پردسی چکیلیب یئنه،
اوره ییمین باشین
غوبار باغلاییب
توتقونوم یئنه.
من قارانلیقدان قاچیرام
چیلغینیم یئنه.
باخیرام گؤیلره
تاپام بیر آیاز،
گؤروره م پارلاییرسان
قارانلیق بولودونبیر باجاسیندان
نور سپلیرسَن یئره.
گوروره م قوینوندا
دان اولدوز سؤیکنیب
سیغینیب بَرک - بَرک
گاهدان بیراز قاش گؤز ائیلییر منه
وای اولسون منه
سن اولان یئرده
اولدوزا بئل باغلایام یئنه ...
من سنی اونودا بیلمیره م، آخی
اونوتسام نه لری اونودام گره ک؟
گؤیلره باخمیشیق آی لی گئجهده
اونوتسام گؤیلری اونودام گره ک!
دنیزی اونودوم، یا دالغالاری
خاطيره ن یادیمدان چیخایدی باری
پاییزدا خزانی، قیشداسا قاری
باهاردا گوللری اونودام گره ک!
دئ نئجه اونودوم من سنی نئجه؟
سئوگی دورنا دییل پاییزدا کؤچه!
یوخوما گلیرسن منیم هر گئجه
آیلاری، ایل لری اونودام گره ک!
سنین خیالیندیر حسرتله باخان
آدیندیر هر ساعات قارشیما چیخان
قاریشیب شکلینه گؤزومده ن آخان
یاغیشی، سئللری اونودام گره ک!
سینه مده پئشمان اوره ییم قالدی
اوچدون اللریمده لئليیم قالدی
نه لری ایتیریب، باخ نه ییم قالدی
نه لری، نه لری اونودام گره ک!
نصرت کسمنلی
دردی درد اولموش ائلینده منه
آغلادیم بیر ناشی گولنده منه
هئچ کیم آغلاماسین اؤلنده منه
من هئچ واخت ، هئچ زامان اؤلمه رم داها
آزاد قارداشیم وار ، اونونلا خوشام
من گرک ساحیلی ساحیله قوشام
ایکی بؤلونمکدن ائله قورخموشــام
چؤپوده ایکی یه بؤلمه رم داهادنیزلر دریالار منه دایازدیر
ان درین بیر چای وار او دا آراز دیر
منه گؤروش وئرین ، آزادلیق آزدیر
گؤروشسم آیریلماق بیلمه رم داها
منیم سعادتیم هارداسا ایتدیاو آسان گلمیشدی ، آسان دا گئـتدی
منه نه ائتدیسه سعادت ائتدی
بد بخت سعادته گولمه رم داها
نصرت کسمنلی
سوسوزام
محببت سوسوزویام من
آلیشیب اوره ییم
اود دوتوب یانیر
بودور کی
کپنک لر
آلیب دؤورومو !!!!
شئعر : تایماز مییانالی
من بیر اینسانام
