من گوزوم آغلامازدی منی آغلار قویدولار

منیم دیلیم حاق سویله ر دی اونو دیلسیز قویدولار

باشیم دیزیمه ائیلیمه زدی اونو داردا بو غدولار

****

منیم بئلیم بوکولمه زدی شکنجه ده بوکدولر

قارداشیم قورخمازین قانین نا حق یره توکدولر

آذربایجان دئیه ن لرین سینه لرین سوکدولر

آمان الله نیه بیزی پارچه پارچه بولدولر

****

بیر خالقین بئلین بوکه ن ،نا حق یره قانین تو کن

بیر بدنی ایکی بولن،اوره لری تهدن سوکن

آزادلیغا حسرت قویان،سسی بوغازلاردا بوغان

آنالاری آغلار قویان،ایگیت لری داغدا بوغان

اوزو آغلار قالاجاغ،اوزو داردا قالاجاغ

آذربایجان یوردونو ،آلووندا یاناجاغ!!

قاراداغ

نئچه ایللر سندن آیری دولاندیم

گه لیب یئتدیم آخیر سنه قاراداغ

یاپیشمادی اوره ییمه هئچ مکان

ایلهام وئردین تکجه منه قاراداغ

 

اوشاق ایدیم منی بویا یئتیردین

محبتین کروانی سان قاراداغ

آنا، آتام، باجیم اولدون قارداشیم

دردلریمین درمانی سان قاراداغ ...

خسته یم

حایات منیم اوچون بیر اویون

و من

بو اویونو باشارماقدا

پیرتلاشیق دوشدو دوشونجه لریم

چؤخ آختارینجا آزیمی دا ایتیردیم

خسته ییم

آدرنالین خسته سی...

میلاد

گوزلریم

باشيوا من دوْلانيم

گلميشم گؤزلرينين گؤرماقينا نازلي ياريم

مني قئيترمه الي بوْش باشيوا من دوْلانيم

 

نه گليب گولوم سنه دردين آليم سؤيله منه

ده گؤروم نه گلدي بيردن گؤزه ليم گولوم سنه

 

هاني اوْل قامت رعنا هاني اوْل حسن جمال

هارا گئتدي گؤزه ليم اي بئله سنده عشق و حال

 

سن كي يئرده اوْتومازدين گؤرورم كي ياتميسان

منه سن باخاردين اي گول نيه بس دا باخميسان

 

مني سن گؤرنده اي گول سئوينردين گؤزه ليم

بير اوْيان آچ گؤزونو گؤركي الينده دير اليم

 

من سنه جانيمي وئررم ايه لايق بوله سن

آلارام شادليقي من جانيمه بيرده گوله سن

سن سیز ائله بیلمه اؤله جه یه م من

سن سیز ائله بیل اؤله جه یه م من

قارا بیر کدره دؤنه جه یه م من

گئجه لر یوخونا گله جه یه م من

سن منی اونودا بیلمه یه جک سن

عمرونده ناراحات ایزیم قالاجاق

آلووم سؤنسه ده کؤزوم قالاجاق

آرخانجا همیشه گؤزوم قالاجاق

سن منی اونودا بیلمه یه جک سن

سن ائله بیلمه کی غمدن اوزاقسان

عمرونو گونونو اودوزاجاقسان

اؤزونو بلکه ده اودوزاجاقسان

سن منی اونودا بیلمه یه جک سن

منی اونوتماغا عینادین کیمی

ایلک سئوگی آغریسی ، فریادین کیمی

لاپ اؤز آدین سوی آدین کیمی

سن منی اونودا بیلمه یه جک سن

من اوله رم ایكیمیزین یئرینه

مین عذاب دیر سن سیز كئچن هر گونوم

اونوتموشام یاخشی یامان فرقینی

بو سئوگینین داغ اریدن دردینی

من چكرم ایكیمیزین یئرینه


گول دئییرم گول قلبینه دییرم

من سنین چون تانری یازان شعیرم

دوداخلاری ایینجیمه سین دئییرم

من اوپه رم ایكیمیزین یئرینه


طالعیمده سن آچیلان گولوم سن

سوزوب قارا گوزلرینی گولومسه

بو سئوگی نین سونو اگر اولومسه

من اوله رم ایكیمیزین یئرینه

شاد بودن هنر است

شاد بودن هنر است، شاد کردن هنری والاتر

لیک هرگز نپسندیم به خویش،

که چو یک شکلکِ بی جان شب و روز

بی خبر از همه خندان باشیم!

بی غمی عیب بزرگیست که دور از ما باد…

شاد بودن هنر است

گر به شادی تو دلهای دگر باشد شاد !

کاش بو فلک بیر دایانیب دوورایدی

 عدالتین قورغوسونو قورایدی

لاپ قاباخجا منی دارا وورایدی

باخان گؤزلر باخیب عبرت ائدیدی

اؤندان سؤنرا دوز یولونا گئدیدی

عباس باریز

درتمنای

در تمنای نگاهت بی قرارم تا بیایی

من ظهور لحظه ها را می شمارم تا بیایی

خاک لایق نیست تا به رویش پا گذاری

در مسیرت جان فشانم گل بکارم تا بیایی ....

عزیزم..

از خداوند چیزی برایت میخواهم که جز خدا در باور هیچکس نگنجد

بورا یالان دونیادیر

بورا دونیادیر،
یووارلاق بیر یئر کوره سی،
اینسانلارین بیری گلیر، بیری گئدیر!
بورا یالان دونیادیر،
بیر-بیر هامینی آلدادیر!
اینسانلار دونیانی چوخ سئویر،
دونیا آج قالماسین دئیه، اینسانی یئییر،
اینسان،
اینسانیت،
دونیادان گئدیر،
حیات هله ده داوام ائدیر...

هرنیه جان دئمرم تپراقیما جان دئمیشم

بوآراز پارچالیان اولکیه قوربان دئمیشم

آرازین قان یاشی آغلور گوزی ایللربویی دی

بوآخان گوزیاشینی دردیمه درمان دئمیشم

الیم اولکمدی منیم گوزلریمین جوت ببکی

میللتین سئومیینه عورضه سیزحیوان دئمیشم

اجنبی لرالیمی پارچالادی یاندی دیلیم

اسگی یوردون یولونا سینه می آل قان دئمیشم

وطن اوستینده اگر دوستاغا دوشسم غمی یوخ

قولومی باغلایان او زینجیره پیمان دئمیشم

ظولم الیندن قوجالان داغلارین اولادی منم

یئرده قالماز وطنیم زیروه ده طرلان دئمیشم

آنام اورماندی آتام زولفی آغارمیش ساوالان

آنا یوردوم دی بورا آذربایجان دئمیشم

موللا نصرالدین باره ده لطیفه

بیر گون موللا نصرالدینین ائوینی اوغر وورموشدو .
سحر قونشولار ییغیلیب موللانی دانلاماغا باشلادیلار . بیری دئدی :
مولا ! نییه قاپینی مؤحكم باغلامامیشدین كی اوغرو آچا بیلمیه .
بیری  دئدی :
كیشی سن نئجه یاتمیشدین كی اوغرو گلیب بیلمه میسن ؟
بیری دئدی :
كیشی  سن نییه قیمتلی شئی لری بیر یئرده گیزلتمه میشدین ؟
هره بیر سؤز دئدیكده موللا دئدی :
بس معلوم اولالی اوغرونون هئچ گناهی یوخوموش هامی تقصیرلر مندن ایمیش .

ستارخان اویان

 

 

 

خان!
اوْیان!
نه یاتیبسان!
سردارسیزیق ای اوْیان ستارخان!
 
بو گون نه یاتماق گونو!
بو گون نه اویماق گونو!
آمانین بیر گونودور
باشسیزیق ای...
باش گؤتور یوخودان اوْیان ستارخان!
 بو گون نه سوسماق گونو!
بو گون نه اوسماق گونو!
قاراباغ چاغیریر سنی؛
ساواش گونودور
باش گؤتور داشدان، اوْیان ستارخان!
 آلدیغین آزادلیغیمیز
دانیشدیغین دیلیمیز
اسگی کیملیگیمیز
دانیلیب، گئدیر الدن ای اوْیان ستارخان!
 یاساقلیق یاراسالاری باشیمیزدا
اؤزگه سؤزجوکلر قولاغلاریمیزدا
یابانجی دیل دوْداغلاریمیزدا
اوره‌گیمیزین آجینمیش یاراسی، اوْیان ستارخان!
 آل پالتارلارینی گئی، آغ کفنینی سوْی!
قیزیل بوغلارینی بور، پاپاغینی باشینا قوی!
داراقلی فیشنگی‌نی باغلا، آتیشلی توفنگی‌نی گؤتور!
چکمه‌لرینی ایاغلارینا چک! اوْیان ستارخان!
  سیرداشلارینیق ای...
دؤیوشداشلارینیق!
اینان!
دؤزوملو یوْلداشلارینیق!
یاتما قیزیلباشلارینیق ای اوْیان ستارخان!
 دوْقسان ایلدی بو قارا غربتده یاتیبسان
هله‌ده سسله‌ییر سنی آناتوْرپاغین، آذربایجان:
«جان!جان! قان!‌قان! اوْیان‌اوْیان! ستارخان!
یا تبریز سنی باغرینا باساجاق، بالام!  یا ارک‌قالاسین تهران!»
  دورماسان ستارخان!
تبریزی تهرانا گتیره‌جه‌ییک!
سنگرلریمیزی باشکتده قوراجاییق!
شوْوونیزمیله ائله بوردا ووروشاجاییق!
یانی؛
بو بسله‌دیگیمیز شئیطان پیشیگی ـ قولاغدان قویروغا ـ اوْدلایاجاییق
و ایتیب ـ باتان حاقلاریمیزی،

 آیاقلانان حاقلاریمیزی، بوتون ایراندا آراییب آلاجاییق
 اوْتوز میلیون یئرلی ـ‌ یوردلو،

ائللی ـ اوْبالی، آتالی ـ بابالی اوزگور تورکوک
بوسبوتون تهرانیق
بوسبوتون ایرانیق
                            یانی ایرانین دامارلاریندا آخان قانیق!
یانی آذربایجانیق!
 اوْیانماییرسانسا ستار؛
دورماییرسانسا خان!
                             ـ سن اوْ سئودیگین آنان ـ
اینامینی بیزه تاپشیر
اردمینی بیزه سوْن
ایگیدلیگینی بیزه باغیشلا
و امین اوْل!
بیزه باغیشلادیغین شرفی؛
بیزه تاپشیردیغین اینامی؛
بیزه سوْندوغون حمیّتی
ـ آنالاریمیزین آغ ساچلارینا آند اوْلسون ـ
جانلا! قانلا! قوْرویاریق

یادت..

تا یادت میکنم باران می اید …

نمیدانستم لمس خیالت هم وضو میخواهد..

***

ز چشمت اگرچه دورم هنوز

پر از اوج عشق و غرورم هنوز

قبول است عمر خوشي ها كم است

ولي با توام پس صبورم هنوز

***

دل نزد تو است اگرچه دوري ز برم

جوياي توام اگر نپرسي خبرم

خالي نشود خيالت از چشم ترم

در قلب مني اگرچه جايي دگرم

خدایا

منیم آغلار گوزوم

منیم آغلار گؤزومه رحم ائله جانان ، گئتمه

دایانیب جان دوداغا ، جان سنه قوربان ، گئتمه

قوی منیم جانیمیله صبر و توانیم گئتسین !

سن منه تاب و توان ، روح و روان"سان ، گئتمه !

سن"ایله هر غمه ، هر درده تحمل ائدرم

آما سن"سیز یوخوموش دردیمه درمان ، گئتمه !

نئیلیرم زهره"نی ، چرخ فلکی ، آی گونشی ؟

هامیسی گئتسه گئدیب ، سئوگیلی جانان گئتمه !