اوزوم سنه آی دییرم
مین بیر دانا دردیم اُولا ، سـن گـلنده درمان اُولور
سن گیدنده خوش اُولسـامدا، اورک آچیلمیر، قان اُولور
منیم سنه باخیشلاریم ، هامّیسی بیر بهـانه دی
هیچ اُولماسا بو جانسیزا،گوز آلتی باخــسان جان اُولور
عقل منه دییر دایان ، عشق دییر گـل دُولاناخ
عقلیم سـنی گـــر تانیا ، اُو دا سـنه حـیران اُولور
صبا بیر آی اسمییَجاخ ، هیچ بولمورم کی نیلییم
اورکده کی سـوزلریمی ، یـازا بولسم دیـوان اُولور
صبر ایلیرم سن گلینجه ، اگر اُولا عـمر بُویی
آغلامارام اگر دیسم ، دوز اُولمـاز کی ، یالان اُولور
طبیب مـنه دوا دیسـه ، دردیمی درمان ایلمز
آمّا جانیم سـن گولنده ، هـر نه کی وار جبران اُولور
وورولموشـام شیرین دیلین ، اُو بـاخمالی گـوزلریوه
بیر گون منی گوزدن آتســان، اُو گون ایویم ویران اُولور
فرق ایلمز هایانداسـان ، سنین ییرین قلبیمده دی
سنین ایین هاردان گلسه ، منیم قبلهم اُو یان اُولور
منیم جـانیم فــدا سنه ، گـل منیده آپــار گیلن
صبا ییلین سن اسدیرسن، آغیر جانیم سامان اُولور
یـاریم منی بــوراخمییوپ ، گـلر منیم سـراغیما
آمّا بیر گــون اُونسوز اُولسام، ایچیم دونور، طوفان اُولور
هر کیم سنه اولدوز دیسـه ، اوزوم سنه آی دییرم
قوجـا سمک سنی گورسـه ، بیردن بیره جوان اُولور
منیم گوزوم یولدادی
من بیر اینسانام