سندن آیری دوشه لی ، باغریم اولوب قان وطنیم
من سنین وورغونونام ، سئوگیلی جانان وطنیم
قوش قانادلا اوچاری ، من ده سن ایله اوچارام
اورتانی کسدی یامان داغ کیمی هجران وطنیم
مهربان بیر آنا تکسن منه لای-لای چالدین
کوچری اولدی آنام، تکجه منه سن قالدین
سن آزادلیق دییه، مشروطه دئییب سن آلدین
" ستارین نغمه سینه قالمیشام حیران وطنیم "
سن بویوتدون قوجاغیندا ، " نبی" تک اصلانلار
"بابکی"، "روشنی"، مینلرجه ایگید قافلانلار
توپلاسام،شعریمه لازیمدی یازان دیوانلار
سن شرف سن منه ، ای تاریخ دوران وطنی