بیلمم نیه هر یاندا بلا پس بیزی توتدی

هر بیر یانار اوت دوشدی گولستانی قوروتدی

بیلمم نیه نعمت بولاغین قاینادان الله

یوخسوللاری بس بیر بیله نعمت دن اونوتدی

بیلمم نیچون یوسوفه حُسنی ورن الله

عشق آتشینه قلب ذولیخانی چوروتدی

دوستلار نه خطا ایلدی دوستلوخدان علاوه

دوست اوستونه دوشمنلری دائم یوگوروتدی

دولت لییه رضواندی جهان یوخسولا زندان

ایپ سالدی بو یوخسوللاری زندانه سوروتدی

صابر اشیدیپ بو سوزی باخدی منه گولدی

عرض اتدی بالا بیزلری بیگانه چوروتدی

احساسیله اویناتدی بیزی عقلیمیز آزدی

ئوزباشینا بو میللتین ئوز داشینی سورتدی

پابند اولوپ بس کی خرافاته مسلمان

غفلتده قالیپ چشمه ی تقوانی چوروتدی

بیگانه چالیپ لای لایی؛خلق یوخلادی یاتدی

ئوز بارماقینی میللتین ئوز گوزونه دورتدی