گلیرم، قاندا قالان قلبیمی غمدن آلاسان

گلیرم من قوتارام سنده، فقط سن قالاسان

ساز کیمین تئللریمین ماهنیسی مضراب دیله ییر

نولا گیزلین آلاسان قوینووا، گیزلین چالاسان



اسرار دئلیم خلقه نمایان اولدو

هر دلبره ایسته دیم باخام قان اولدو

بو دهر دنی ده بس کی محنت چکدیم

قددیم بوکولوب مثال چوگان اولدو



گوزلیم بسدی قوتار بیرده دا یاندیرما منی

اوزگیه یولداش اولوب یولدا دایاندیرما منی

آتاجاقسان منی گوزدن گوزوون رسمی بودیر
آیریلیق بسدی منه سن دا یوباندیرما منی